ირანმა, თავის მიწისქვეშა ბირთვულ ცენტრში, ფორდოში, ურანის გამდიდრების მიზნით საიდუმლოდ განათავსა უამრავი ახალი ცენტრიფუგა - იუწყებიან დასავლური სააგენტოები დიპლომატიურ წყაროებზე დაყრდნობით.

მათი მონაცემებით, საუბარია ასობით ახალ ცენტრიფუგაზე. თუმცა ისინი მოქმედებაში ჯერ არ არის მოყვანილი.

აღნიშნული ინფორმაცია ვრცელდება ატომური ენერგეტიკის სააგენტოს მოხსენების გამოქვეყნებამდე. სააგენტომ ირანის ბირთვულ პროგრამასთან დაკავშირებული დოკუმენტი მომავალ კვირას უნდა გამოაქვეყნოს.

თუ ახალი ინფორმაცია დადასტურდება, ეს ნიშნავს, რომ ირანი საერთოდაც არ აპირებს საერთაშორისო საზოგადოების მოთხოვნების შესრულებას ურანის გამდიდრების პროცესის შეწყვეტასთან დაკავშირებით.

თეირანი ამტკიცებს, რომ მის ბირთვულ პროგრამას მშვიდობიანი ხასიათი აქვს, თუმცა დასავლეთი თვლის, რომ ამ პროგრამის მიზანია, ირანი ბირთვული ქვეყანა გახდეს.

internet.ge