კომპანია Imagine Entertainment0ი სალვადორ დალის შესახებ ბიოგრაფიულ სურათს პეიჯ კემერონის (Paige Cameron) სცენარის მიხედვით გადაიღებს. ეს ესპანელი სიურეალისტის პირველი სრულფასოვანი ბაიოპიკი იქნება, რომელიც ოფიციალურად გალა და სალვადორი დალის ფონდმა (Fundació Gala-Salvador Dalí) მოიწონა.

"ფონდს ყოველთვის მხოლოდ ისეთი ბიოგრაფიული ფილმი აწყობდა, რომელსაც პირველი კლასის გუნდი შექმნიდა. ჩვენ ბედნიერები ვართ, რომ პროექტი ისეთ ხელშია, როგორიცაა კომპანია Imagine, რომლის გემოვნება და სტანდარტები დალის შემოქმედებას შეჰფერის", - განაცხადა ფონდის დირექტორმა ჟოან მანუელ სევილიანომ (Joan Manuel Sevillano).

ცალკე ქება დაიმსახურა სცენარისტმა პეიჯ კემერონმა (Paige Cameron), რომლითაც ფონდის წარმომადგენლები "მოხიბლული და აღფრთოვანებული" არიან.

ფილმის პროდიუსერმა ბრაიან გრეიზერმა (Brian Grazer) ასევე განაცხადა, რომ მასზე დიდი შთაბეჭდილება დალის ცხოვრებასა და შემოქმედებაზე კემერონის ცოდნამ მოახდინა. ფონდი მას სამუშაოდ არქივებს, წერილებსა და ყველა სხვა მასალას შესთავაზებს.

"ფონდი" კერძო არაკომერიული ორგანიზაციაა, რომელიც თავად დალიმ 1983 წელს დააარსა. 2009 წელს მან ერთდროულად ჰოლივუდის ორი პროექტი დაბლოკა. პირველში (Dali) მთავარი როლი ანტონიო ბანდერასს უნდა შეესრულებინა, მეორეში კი (Dali and I: The Surreal Story) მხატვარი ალ პაჩინოს უნდა განესახიერებინა.

Internet.ge