ადგილობრივი ეკონომიკური განვითარების მე-6 საერთაშორისო ფორუმი დღეს განახლდება.
როგორც „ინტერნეტ.ჯი“-ს ქალაქ თბილისის
მერიიდან აცნობეს, ფორუმის მთავარი თემა „მომავლის ქალაქია“.
ცნობისთვის, ადგილობრივი ეკონომიკური ფორუმი გუშინ
თბილისის მერმა გახსნა.
საერთაშორისო ფორუმს ევროპის, აზიისა და აფრიკის 20–ზე მეტი ქვეყნის წარმომადგენელი დაესწრება. სტუმრებს შორის იქნებიან სხვადასხვა ქალაქის მერები, ადგილობრივი ხელისუფლების წარმომადგენლები, დიპლმატიური კორპუსი, ექსპერტები, არასამთავრობო და სამოქალაქო სექტორის წარმომადგენლები.
მონაწილეები, ქალაქის განვითარებასა და ქალაქებს შორის ურთიერთთანამშრომლობასთან დაკავშირებით, სხვადასხვა მნიშვნელოვან საკითხზე იმსჯელებენ.
ამასთან ცნობილია, რომ ფორუმის დასასრულს მონაწილეები ერთმანეთს საკუთარ გამოცდილებას გაუზიარებენ.
Internet.ge
