კრედიტების შემფასებელმა სააგენტომ „Standard & Poor's“–მა, საბერძნეთის მთავრობის ვალების შეფასების შემდეგ, ქვეყნა „შერჩევითი დეფოლტიდან“ შემდეგ საფეხურზე – „CCC“–ზე გადაიყვანა.

„S&P“ მიერ გავრცელებულ ინფორაციაში აღნიშნულია, რომ საბერძნეთს, მიუხედავად პოზიტიური რესტრუქტურიზაციისა და კერძო ინვესტორებთან ობლიგაციების გაცვლისა, ვალები კვლავ მძიმე ტვირთად აწევს.

სააგენტო ქვეყანას აფრთხილებს, რომ ევროზონაში მიმდინარე რეცესიამ და 6 მაისის საპარლამენტო არჩევნებმა შესაძლოა სავალო–საბიუჯეტო რეგულირება გაართულოს, რომელიც  სახელმწიფო ვალების შემცირების გაგრძელებისთვის აუცილებელია.

შეგახსენებთ, რომ რეიტინგში საბერძნეთის შესაძლო დაწინაურების შესახებ „S&P“–მ მარტის შუა რიცხვებში განაცხადა. გატარებული ეკონომიკური ღონისძიებების შედეგად, ქვეყანამ შეძლო 350 მილიარდიანი ვალის 107 მილიარდ ევრომდე დაყვანა. 

internet.ge