ფინანსთა მინისტრის, დიმიტრი გვინდაძის პროგნოზით, 2012
წელს ბიუჯეტის მთლიანი დეფიციტი –3,5
პროცენტიანი იქნება.
როგორც პარლამენტის საფინანსო–საბიუჯეტო კომიტეტის დღევანდელ სხდომაზე, მიმდინარე წლის
ბიუჯეტში განსახორციელებელი ცვლილებების განხილვისას, მინისტრმა განაცხადა, გასულ
წელს, ბიუჯეტის მთლიანი
დეფიციტი –3,6 პროცენტი იყო.
მისი თქმით, ბოლო სამი წლის განმავლობაში, ბიუჯეტში შემოსულობები ბევრად უფრო დიდია, ვიდრე მიმდინარე ხარჯები.
„აქედან გამომდინარეობს პროფიციტული საოპერაციო ბალანსი, რაც სტაბილურობისა და ფისკალური სიმყარის ერთ-ერთი ძირითადი ელემენტია“, - დასძინა მინისტრმა.
შეგახსენებთ,
რომ 2012 წლის ბიუჯეტი 200 მილიონ 600 ათასი ლარით იზრდება.
Internet.ge
