თბილისის მერიის ინფორმაციით, საქართველოში წარმოებული პროდუქციის ცნობადობის გაზრდის მიზნით, 26 მაისს, რუსთაველის გამზირზე, ქართული მრეწველობის აღლუმი – „დამზადებულია საქართველოში" გაიმართება.

თბილისის მერმა დღეს კომპანიები „თამკერა“ და „თამ-პოლიმერი“ დაათვალიერა. გიგი უგულავა წარმოების პროცესს ადგილზე გაეცნო და დასაქმებულ ადამიანებს გაესაუბრა .

აღნიშნული კომპანიები 26 მაისს დაგეგმილ სამეწველო აღლუმში მონაწილეობენ, სადაც საზოგადოებას საკუთარი წარმოების პროდუქციას გააცნობენ.

კომპანია „თამკერა“ 5 წელია ქართული წარმოების აირ–გამათბობლებს უშვებს და მნიშვნელოვანი ადგილი უკავია ადგილობრივ ბაზარზე. უნივერსალური გამათბობლები ერთდროულად რამდენიმე ფუნქციას ასრულებენ. წარმოებული პროდუქცია ოთახის გათბობის გარდა, გაზქურის ფუნქციასაც ითავსებს. გამათბობლები ეკონომიურია და მომახმარებელს მისი შეძენა ხელმისაწვდომ ფასად შეუძლია.

თბილისის მერიის ინფორმაციით, 2005 წლიდან ოპერირებს ქართულ ბაზარზე ასევე კომპანია „თამ-პოლიმერი“, რომელიც გაზისა და წყლის მაგისტრალურ პოლიეთილენის მილებს აწარმოებს და ხარისხიანი პროდუქციით ადგილობრივ ბაზარს ამარაგებს. ორივე საწარმოში ერთად 50-ზე მეტი ადამიანია დასაქმებული.

internet.ge