რუსეთში პოლიციელების მიერ მოკლული ქართველის საქმეზე მოსკოვის ექსპერტიზამ სამარაში ჩატარებული ექსპერტიზის პასუხი დაადასტურა და დაადგინა, რომ 19 წლის მამუკა კახიშვილი ნარკოტიკული ნივთიერების ზემოქმედების შედეგად გარდაიცვალა.

მოკლულის ოჯახის ადვოკატები აცხადებენ, რომ მოსკოვის ექსპერტიზის დასკვნა პრაქტიკულად სამარის ექსპერტიზის შედეგების გადაწერილი ვარიანტია.

ოჯახი კატეგორიულად არ ეთანხმება აღნიშნულ დასკვნას და აცხადებს, რომ მკვლელობა ეთნიკურ ნიადაგზე მოხდა და ცხედარს ფიზიკური ზემოქმედების კვალი აღენიშნებოდა, ამასთან ამოცლილი ჰქონდა გულიც.

მამუკა კახიშვილი უკვე დაკრძალეს საქართველოში. ის 2011 წელს სამარაში მოკლეს. მოკლულს სხეულზე წამების კვალი აღენიშნებოდა.

Internet.ge