ხაბაროვსკის საგამოძიებო კომიტეტი შოკირებულია.

გამომძიებლები იძიებენ საქმეს, რომლის თანახმადაც 51 წლის მამაკაცი 8 წლის გოგონას ცოლად მოყვანას ჰპირდებოდა.

დაკავებულმა თავად განუცხადა პოლიციას, რომ ბავშვის ცოლად მოყვანას ჯერ არ აპირებდა, არამედ გეგმავდა, რომ ჯერ გაეზარდა, აღეზარდა და მერე გაეფორმებინა ოფიციალური ქორწინება. ამბობს, რომ სწორედ ამ მიზნით მოიტაცა გოგონა.

მის მიმართ არასრულწლოვანის მოტაცების მუხლით არის საქმე აღძრული.

გაირკვა, რომ 51 წლის მხატვარმა თავისი „სიყვარული“ ტუბერკულოზის ცენტრში გაიცნო, სადაც თავად მუშაობდა, გოგონა კი მკურნალობდა და სწორედ საავადმყოფოდან გაიტაცა კიდეც ბავშვი.

საბედნიეროდ, მისი პოვნა მალევე შეძლეს.

შეამსუბუქებს თუ არა დაკავებულის ბრალს აღიარებითი ჩვენება, ჯერ უცნობია.