პატიმრების წამებაში ბრალდებული 10 პირი ამ დროისათვის, თბილისის
მთავარ პროკურატურაში, დაკითხვაზე იმყოფება.
მთავარი პროკურატურის ინფორმაციით, პატიმართა წამების ფაქტზე 10 პირია
დაკავებული. მურთაზ ზოდელავას განცხადებით, დაკავებულებს შორისაა დავით ხუჭუა,
რომელიც მე-8 საპყრობილის დირექტორი იყო.
მისი თქმით, პატიმრების
წამებისა და არაადამიანური მოპყრობის ფაქტზე დაკავებულნი არიან: გაგა
მკურნალიძე სასჯელაღსრულების დეპარტამენტის მოადგილე, დავით ხუჭუა - გლდანის მერვე
საპრყობილის დირექტორი, ვიქტორ ყაჭეიშვილი - გლდანის საპრყობილის დირექტორის
მოადგილე. ლევან ფურცხვანიძე - ციხის უსაფრთხოების
განყოფილების უფროსი, გიორგი კვარაცხელია - გლდანის # 8 საპყრობილის რეჟიმის
უფროსი ინსპექტორი, ოლეგ ფაცაცია - საპყრობილის უსაფრთხოების რეჟიმის უფროსი,
მანუჩარ ლომთაძე - საპყრობილის კონტროლის ინსპექტორი, გელა ცომაია - ოპერატიული
მორიგე, ლევან ფხალაძე - საპყრობილის კონტროლიორი, ბორის ფარულავა - უსაფრთხოების
განყოფილების ინსპექტორი.
რაც შეეხება კიდევ ერთ დამნაშავეს, ზოდელავას განმარტებით, ვლადიმერ
ბედუკაძეს ბრალი დაუსწრებლად წაეყენა, ის ძებნაშია.
internet.ge
