ივანო-ფრანკოვსკის ოლქის სამართალდამცველებმა დააკავეს ქალი, რომელიც საკუთარი შვილით ვაჭრობდა.

ცნობილი გახდა, რომ 45 წლის დედამ საკუთარი არასრულწლოვანი, 10 წლის ქალიშვილი „გააქირავა“, რაშიც სანაცვლოდ 5 ათასი უკრაინული გრივნა აიღო.

მას ფული უცნობმა პირებმა გადაუხადეს, რომელთათვისაც, გოგონას ერთი თვის განმავლობაში სამსახური უნდა გაეწია: ქუჩაში დამდგარიყო და ემათხოვრა.

„გამომუშავებული“ ფული კი მთლიანად პატრონებისთვის უნდა მიეტანა.

მომხდარზე სისხლის სამართლის საქმე ადამიანით ვაჭრობის მუხლით არის აღძრული.

Internet.ge