ნორვეგიელმა ტერორისტმა უკვე მოახერხა ოსლოში მიმდინარე სასამართლო პრცესის დამსწრეები გაეოცებინა, როცა უეცრად, ტირილი დაიწყო. მას ცრემლი თვალებზე მაშინ მოერია, როცა პროკურორებმა მისი პროპაგანდისტული ვიდეორგოლის ჩვენება დაიწყეს. აღნიშნული ვიდეო თავად ბრეივიკმა გადაიღო და მკვლელობების ჩადენამდე რამდენიმე საათით ადრე ინტერნეტით გაავრცელა.

როგორც ოსლოში მიმდინარე სასამართლო პროცესისი დამსწრე ჟურნალისტები იუწყებიან, ბრეივიკს თავი არანორმალურად მშვიდად უჭირავს. ის ახდენს იმის დემონსტრირებას, რომ შესანიშნავ ხასიათზეა და მუდმივად იღიმის.

მოსამართლის კითხვაზე, თუ რა საქმიანობას ეწევა, ტერორისტმა განაცხადა, რომ არის მწერალი და ციხიდან მუშაობს.

„საუკუნის პროცესი“, როგორც უკვე ჟურნალისტებმა უწოდეს ბრეივიკის სასამართლოს, დაახლოებით, 10 კვირას გაგრძელდება. მოწმედ გამოვა 150 ადამიანი. პირველ კვირას, 16-23 აპრილის ჩათვლით ჩვენებას თავად განსასჯელი მისცემს.

შეგახსენებთ, ბრეივიკი თავს არ სცნობს დამნაშავედ და ამბობს, რომ მის მიერ განხორიელებულ მკვლელობათ სერია  ემიგრანტების მიერ მისი ქვეყნის ოკუპირების საწინააღმდეგო თავდაცვის აქცია იყო.

Internet.ge