გურჯაანის პოლიციაში 10 თვის ბარბარე რაფალიანის ბიძის დაკითხვა მიმდინარეობს, რომლის სახლშიც ჩვილი გარდაცვლილი იპოვეს. გუშინ პოლიციამ განმეორებით დაკითხა 10 თვის ბარბარეს ოჯახის წევრები და ჟურნალისტები, რომლებიც შემთხვევის ადგილზე იმყოფებოდნენ. ჟურნალისტებს ასევე სთხოვეს გადაღებული ვიდეო მასალის წარდგენა.
ჩვილის დეიდის განცხადებით, ბავშვის დედამ ჩვენება შეცვალა.
შეგახსენებთ, რომ აღნიშნული მკვლელობა პირად კონტროლზე ჰყავს აყვანილი შს მინისტრის მოვალეობის შემსრულებელ ეკა ზღულაძეს, მან სავარაუდოდ, მინისტრობის კანდიდატ ირაკლი ღარიბაშვილთან აღნიშნული საქმეც განიხილა, რადგან შეხვედრის შემდეგ ზღულაძემ კომენტარი ბარბარე რაფალიანის მკვლელობაზეც გააკეთა. სწორედ მას შემდეგ დაიწყო ინტენსიური დაკითხვა გურჯაანის პოლიციაში, რომელსაც თბილისიდან ჩასული ჯგუფიც ესწრებოდა.
გარდაცვლილი ბავშვის დეიდა "ქართული ოცნების" კოორდინატორი გახლდათ, სწორედ ამიტომ მიეცა ამ მკვლელობას პოლიტიკური ელფერი.
internet.ge
