ჩინური კუნგ-ფუ არა მარტო საბრძოლო ხელოვნება, სპორტის სახეობა და ცხოვრების ფილოსოფიაა, არამედ, აღმოჩნდა, რომ ის საუკეთესო საშუალებაა სხვადასხვა სიტუაციებში. მისი საშუალებით შეიძლება ადამიანი საბედისწერო შეცდომისგან – თვითმკვლელობისგან იხსნა.

ჩინეთის ქალაქ სინინში ახალგაზრდა მამაკაცმა თვითმკვლელობა გადაწყვიტა, თანაც, შვილთან ერთად, რომლის დედასთანაც კონფლიქტი მოუვიდა.

2-3 წლის ბავშვთან ერთად ის ფანჯრის რაფაზე აძვრა და ნახტომისთვის მორალური მზადება დაიწყო. თუმცა ემოციებს ვერ გაუკმლავდა და ხმამაღლა ტირილი მორთო. ამ ხმამ გამვლელთა ყურადღება მიიქცია, რომლებმაც სასწრაფოდ მაშველები გამოიძახეს.

მამაკაცი საკმაოდ დიდხანს მოსთქვამდა, ისე, რომ მაშველებს ეყოთ დრო მომზადებულიყვნენ – ბატუტი გაეშალათ და გადამწყვეტ ნახტომს დალოდებოდნენ. მანამდე კი სახლის სახურავიდან ალპინისტები დაეშვნენ.

ერთ-ერთმა მათგანმა პრევენციული ზომების მიღება გადაწყვიტა და როცა მამაკაცს გაუსწორდა, კუნგ-ფუს მეთოდით ფეხები ჰკრა მკერდში და შიგნით შეაგდო. შედეგად, მამა-შვილი გადარჩა.

ზოგადად, ჩინეთში თვითმკვლელობების რაოდენობა ძალიან დიდია. ყველაზე გავრცელებული მეთოდი კი სწორედ სიმაღლიდან გადახტომაა.

Internet.ge