კრიმინალური ისტორიის გმირი პროფესიონალი მოკრივე, მოსკოვის ჩემპიონი 22 წლის ვალერი ტრეტიაკოვია. ის კამენსკ-ურალსკში ერთ-ერთი კაფეს თანამშრომლისთვის სხეულის მძიმე დაზიანებების მიყენებაშია ეჭვმიტანილი, რამაც საბოლოოდ დაზარალებულის სიკვდილი გამოიწვია.

თავდაპირველად, მკვლელი შემთხვევის ადგილიდან გაიქცა, თუმცა შემდეგ თვითონვე მიაკითხა პოლიციას აღიარებითი ჩვენებით.

მიუხედავად ამისა, პოლიცია დაზუსტებით ვერ საუბრობს იმაზე, თუ როგორ განვითარდა კონფლიქტი.

არსებული ვერსიით, დაცვის თანამშრომელი კაფეში მყოფ პირთა ჩხუბში (რომელთაგან ერთ-ერთი მოკრივე იყო) მხოლოდ გაშველების მიზნით ჩაერია და მათ შენობის დატოვება მოსთხოვა, ხოლო როცა გარეთ გავიდნენ, ჩხუბი უკვე მოკრივესა და დაცვის თანამშრომელს შორის გაგრძელდა. როგორც კი ამ უკანასკნელმა გონება დაკარგა, სპორტსმენი მიიმალა.

ადგილზე გამოძახებულმა ექიმებმა ვერაფრით უშველეს ახალგაზრდას, რომელსაც ტრეტიაკოვმა უძლიერესი დარტყმა მიაყენა.

სისხლის სამართლის საქმე ჯანმრთელობის განზრახ დაზიანების მუხლით არის აღძრული, რამაც სიკვდილი გამოიწვია და ახალგაზრდა მოკრივეს 15 წლით თავისუფლების აღკვეთა ემუქრება.

internet.ge