ავტოსაგზაო შემთხვევას მახინჯაურის რკინიგზის სადგურთან ქვეითად მოსიარულე, 60 წლამდე ასაკის ქალბატონი ემსხვერპლა. ქობულეთიდან ბათუმისკენ მომავალი "მერსედესის" ფირმის ავტომანქანა, რომელსაც ჯიმშერ ჯიმშერაშვილი მართავდა, ჯერ ბორდიურს, შემდეგ სადგურის შენობას შეეჯახა.  

თვითმხილველების თქმით, ავტოავარიის მიზეზი სიჩქარის გადაჭარბება გახდა.   ავტოსაგზაო შემთხვევის შედეგად ავტომანქანაში მყოფი კიდევ ორი ადამიანი დაზარალდა, ისინი ქალაქის რესპუბლიკურ საავადმყოფოში არიან გადაყვანილები.  

რაც შეეხება გარდაცვლილს, მისი ვინაობა ჯერჯერობით უცნობია. ქალბატონი საავადმყოფოში მიყვანიდან 10 წუთში გარდაიცვალა. მას მრავლობითი მოტეხილობები და თავის ქალის დაზიანება აღენიშნებოდა.

internet.ge