საერთაშორისო უფლებადამცველმა ორგანიზაციამ Amnesty International-მა  რუსი ოპოზიციონერები - ალექსეი ნავალნი და სერგეი უდალცოვი, რომლებიც პოლიციისადმი დაუმორჩილებლობის ბრალდებით მოსკოვში მიმდინარე საპროტესტო აქციის დროს დააკავეს, სინდისის პატიმრებად აღიარა.

„ჩვენ ვთვლით, რომ უდალცოვი და ნავალნი სინდისის პატიმრები არიან“ - განუცხადა „ინტერფაქსს“ ორგანიზაციის რუსული განყოფილების ხელმძღვანელმა სერგეი ნიკიტინმა.

მისი თქმით, ეს ადამიანები არაძალადობრივი და მშვიდობიანი ფორმით ცდილობდნენ დემონსტრაციების, მიტიგებისა და მსვლელობების უფლების რეალიზებას, თუმცა დააკავეს და გისოსებს მიღმა მოათავსეს.

Internet.ge