ცნობილი გახდა რუსეთში, კერძოდ, სამარაში მოკლული ქართველის მამუკა კახიშვილის ცხედრის ექსპერტიზის შედეგები.

როგორც სარატოვის სასამართლო-სამედიცინო საოლქო ბიუროს სპეციალისტებმა განაცხადეს, 19 წლის კახიშვილის სიკვდილის მიზეზი „მექანიკური ასფიქსიაა, რომელიც ყელზე ბლაგვი საგნის ზემოქმედებით არის გამოწვეული“.

ექსპერტებმა კახიშვილის ორგანიზმში ვერც ტროპიკამკიდი აღმოაჩინეს და ვერც  და ინექციის კვალი სხეულზე - იუწყებიან სამარის ადგილობრივი გამოცემები.
სარატოვში ჩატარებული ექსპერტიზის შედეგებით ბათილდება სამარელი ექსპერტების დასკვნა, რომელშიც სპეციალისტები ამტკიცებდნენ, რომ მამუკა კახიშვილი ნარკოტიკის სახით, თვალის წვეთების - „ტროპიკამიდის“ მოხმარების შემდეგ, სუნთქვის შეჩერების შედეგად გარდაიცვალა.

ოჯახის ადვოკატს მაია საკსონოვას უკვე ხელთ აქვს სარატოველი ქსპერტების დასკვნა. ის ამბობს, რომ აღნიშნული დასკვნა სისხლის სამართლის საქმის მიმართულებას შეცვლის, რადგანაც ის აღძრულია კახიშვილის არა მკვლელობის, არამედ დაღუპვის ფაქტის გამო. თუმცა კვალიფიკაციის შეცვლისთვის მესამე ექსპერტიზაა საჭირო, რომელიც მიმდინარე კვირაში დაიწყება კიდეც. მისი პასუხი კი 3 თვეში გახდება ცნობილი.

შეგახსენებთ, 19 წლის მამუკა კახიშვილი სამარაში, 2011 წლის 10 ნოემბერს, ოფიციალური ვერსიის თანახმად, იმ დროს დაიღუპა, როცა პოლიცია შეიარაღებულ ჩხუბში მოანწილეობის გამო აკავებდა. ამ ვერსიის თანახმად, მან გონება დაკარგა, წაიქცა და გარდაიცვალა. დაღუპულის ოჯახი კი ამტკიცებს, რომ ის სასიკვდილოდ პოლიციამ სცემა.

internet.ge