GE / EN
საინფორმაციო პორტალი
კრიმინალი
სიახლე|პოლიტიკა|საზოგადოება|ხელოვნება|ეკონომიკა|კრიმინალი|სამხედრო|სპორტი|მეცნიერება|ინტერვიუ
"იმედის კლინიკის" მეან-გინეკოლოგი სიცოცხლის გაუფრთხილებლობით მოსპობაში დამნაშავედ სცნეს
14:21 28.05.2012
დღის სიახლეები
თბილისის საქალაქო სასამართლომ დაასრულა კიდევ ერთი გახმაურებული სისხლის სამართლის საქმის განხილვა. საქალაქო სასამართლომ ექიმ მეან-გინეკოლოგი ზაზა მირუაშვილი დამნაშავედ ცნო სიცოცხლის გაუფრთხილებლობით მოსპობის ბრალდებაში.

თბილისის საქალაქო სასამართლოს ინფორმაციით, საქმის მასალების მიხედვით:

"2011 წლის 17 ივნისს, სამშობიარო სახლ - "იმედის კლინიკა” -ს საკონსულტაციოდ, 1971 წელს დაბადებულმა ნესტან შანიძემ მიმართა. აღნიშნულ კლინიკაში პაციენტის გასინჯვისა და მისი ანამნეზის შესწავლის საფუძველზე, მიღებულ იქნა შემდგომში საკეისრო კვეთის ჩატარების გადაწყვეტილება. კონსულტაციის დასრულების შემდეგ ნესტან შანიძე ექიმებმა სახლში გაუშვეს.

2011 წლის 20 ივნისს, ნესტან შანიძემ  კვლავ ზემოაღნიშნულ კლინიკას მიმართა. სათანადო გასინჯვის შემდეგ, ვინაიდან პაციენტს აღენიშნებოდა წინასამაშობიარო ტკივილები, პაციენტი   გადაყვანილი იქნა სამშობიარო ბლოკში,  ექიმ მეან-გინეკოლოგის ზაზა მირუაშვილის მეთვალყურეობის ქვეშ. 

იმავე დღის 21:00 საათზე, ძლიერი სამშობიარო ტკივილების ფონზე, პაციენტს მორიგე  ექიმ-ანესთეზიოლოგის მიერ გაუტკივარება გაუკეთდა და ნესტან შანიძემ ფიზიოლოგიურად იმშობიარა. 23:00 საათზე პაციენტის მგომარეობა უკიდურესად დამძიმდა, კერძოდ: განვითარდა შემცივნება,ზოგადი სისუსტე, მკვეთრად დაიწია არტერიული წნევის მაჩვენებელმა, განვითარდა აკროციანოზი, გაძლიერდა ტკივილები ბეჭებისა და თავის არეში.

ექიმი ზაზა მირუაშვილი უპასუხისმგებლოდ მოეკიდა თავის პროფესიულ მოვალეობას, სათანადოდ ვერ შეაფასა პაციენტის მძიმე მდგომარეობა, მიიტანა ეჭვი სანაყოფე სითხით ემბოლიაზე, ისე, რომ არ გამორიცხა საშვილოსნოს კედლის გახევა, მაშინ, როდესაც ნესტან შანიძის მდგომარეობა შეესაბამებოდა საშვილოსნოს კედლის გახევის სიმპტომატიკას. ექიმმა არ მიიტანა ეჭვი შინაგან სისხლდენაზე. უფრო მეტიც, მისი დაუდევრობით არ ჩატარებულა არცერთი ტიპის გამოკვლევა, რათა დროულად მომხდარიყო საშვილოსნოს კედლის გახევისა და შინაგანი სისხლდენის დიაგნოზის დასმა. 21 ივნისს 00:55 საათზე, ნესტან შანიძის ბიოლოგიური სიკვდილი დაფიქსირდა.

ღია სასამართლო სხდომაზე საქმის არსებითი განხილვისას, ზაზა მირუაშვილმა სრულად ცნო თავი დამნაშავედ წარდგენილ ბრალდებაში. გარდა აღიარებითი ჩვენებისა მის მიმართ წარდგენილი ბრალი დადასტურებულ იქნა: მოწმეთა და დაზარალებულთა ჩვენებებით, სასამართლო სამედიცინო ექსპერტიზის, ბიოლოგიური, ქიმიურ-ტოქსიკოლოგიური დასკვნებისა და საქმეში არსებული სხვა უტყუარი მტკიცებულებების ერთობლიობით.

თბილისის საქალაქო სასამართლომ ზაზა მირუაშვილი დამნაშავედ ცნო წარდგენილ ბრალდებაში. საპროცესო შეთანხმების საფუძველზე, ზაზა მირუაშვილს  3 წლით თავისუფლების აღკვეთა შეეფარდა, საიდანაც ბრალდებული 1 წელს მოიხდის სასჯელაღსრულებით დაწესებულებაში, 2 წელი ჩაეთვალა პირობით , 3 წლის გამოსაცდელი ვადით.  მასვე დამატებითი სასჯელის სახედ დაეკისრა ჯარიმა 25 ათასი ლარის ოდენობით.

internet.ge
აღდგომის დღეებში, სასწრაფო სამედიცინო დახმარების ცენტრში 6290 გამოძახება დაფიქსირდა
ცოლის მკვლელობისთვის ბრალდებულს 11 წელი მიესაჯა
სამეგრელოში ხე-ტყის უკანონო ტრანსპორტირების ფაქტი გამოვლინდა
"თურქეთში ჩატარებული რეფერენდუმის შედეგები დიქტატორად არ გადამაქცევს"
სპორტის სასახლეში „ნაციონალური მოძრაობის“ ყრილობა მიმდინარეობს
„Presa.ge საზოგადოებას და gwp-სბოდიშს უხდის“
პარიზში, ლეონარდო და ვინჩის დაკარგული ნახატი აღმოაჩინეს
ქუმსიშვილი: ნულიდან მიღწეულ ხელშეკრულებას შეხედეთ და არა იქიდან, საიდანაც ვიყავით
კრიმინალური ქრონიკა
სამეთაურო-საშტაბო სკოლის კურსდამთავრებულთა დაჯილდოება გაიმართა
დუდუ დადიანის ხსოვნის ტურნირი „არმიამ“ მოიგო
შოკისმომგვრელი დასკვნა - ბავშვის ტვინის ზომა მშობლების სიყვარულზეა დამოკიდებული
დღის თემა
რაში დაადანაშაულეს მეუფე პეტრე სინოდის სხდომაზე
"მე ვფიქრობ რომ ეს სხდომა იყო მიკერძოვებული, რადგან ჩემი აქტიურობის გარდა, იქ ბევრად მნიშვნელოვანი საკითხები იყო განსახილველი“,- განაცხადა მეუფე პერტემ.
გამოკითხვა
რომელ წყაროს იყენებთ ინფორმაციის მისაღებად?
  
პოპულარული სიახლეები
წაიკითხა გაიზიარა კითხულობენ
ლილოში ქლორის გაჟონვის შედეგად ინტოქსიკაცია 56 ადამიანმა მიიღო1
მუნიციპალურ ტრანსპორტზე ფასდაკლების შესახებ დადგენილება უკვე ძალაშია2
მეცნიერებენმა ყინულის საფარის ქვეშ უზარმაზარი კანიონი აღმოაჩინეს3
მიხეილ სააკაშვილმა ოლიმპიური ნაკრების წევრები მიიღო4
გელა ნიკოლაიშვილს მოსამართლემ მოუწოდა არ ესაუბრა დასაცავი პირის საწინააღმდეგოდ5
ახალი ამბებიპოლიტიკასაზოგადოებახელოვნებაეკონომიკაკრიმინალისამხედროსპორტიმეცნიერებაინტერვიურეგიონიფოტორეპორტაჟი
 
თბილისი 0159, ახმეტელის ქ. №10ა. ტელ.: (995 32) 2 200 111, 577 208 612, 577 208 452. ელ-ფოსტა: [email protected]
 
Your Like on Facebook X