საინფორმაციო ანალიტიკურ პორტალ "პრესა.ჯი"-სა და "დრონი.ჯი"-ზე რამდენიმედღიანი ჰაკერული თავდასხმაში ეჭვმიტანილ ლევან დარჯანიას სამართალდამცავები კითხავენ.

როგორც „ინტერნეტ.ჯი“-ს შსს-ს საზოგადოებასთან ურთიერთობის სამმართველოს უფროსმა ზურაბ გვენეტაძემ განუცხადა, გამოძიების ინტერესებიდან გამომდინარე, დამატებითი ინფორმაცია მოგვიანებით გახმაურდება.

„გამოძიება გრძელდება, საინფორმაციო პორტალებზე ჰაკერული თავდასხმის საქმეზე ვმუშაობთ, დამატებით ინფორმაცის მოგაწვდით“,- განაცხადა გვენეტაძემ.

შს სამინისტროს განცხადებით, 2012 წლის 31 მაისს დაიწყო გამოძიება სხვადასხვა ინტერნეტ პორტალებზე  კიბერ შეტევის განხორციელების ფაქტთან დაკავშირებით.

ჩატარებული ოპერატიულ-სამძებრო ღონისძიების შედეგად, პოლიციის მიერ დაკავებულია 1993 წ/დ  ლევან დარჯანია, რომელსაც ბრალი ედება კომპიუტერული პროგრამის უკანონოდ დამზადებასა და გავრცელებაში, რამაც გამოიწვია ინტერნეტ პორტალების ფუნქციონირების განზრახ შეფერხება.

ლევან დარჯანია ბრალდებულია საქართველოს სისხლის სამართლის კოდექსის 285-ე მუხლით გათვალისწინებული დანაშაულის ჩადენაში.

internet.ge