ზურა ტარყაშვილის მკვლელობის საქმეზე, ნაფიც მსაჯულებს ბრალდების მხარემ დავით რუსიშვილისა და ამავე დანაშაულში ბრალდებული ივერი გოგბერაშვილის ტელეფონებიდან განხორციელებული ზარების ამონაწერი წარუდგინა.

ამონაწერი გაკეთებულია 2011 წლის 4 ოქტომბრიდან 17 ოქტომბრის ჩათვლით. ამონაწერის თანახმად მკვლელობის დღემდე - 17 ოქტომბრამდე, მათ შორის სატელეფონო საუბარი მხოლოდ სამჯერ ფიქსირდება, მკვლელობის დღეს კი 11 ზარია განხორციელებული, ძირითადად რუსიშვილის მიერ.

წარმოდგენილი მტკიცებულებებით, მკვლელობის დღეს პირველი ზარი დავით რუსიშვილის პრობაციის ბიუროში მისვლიდან 5 წუთში განხორციელდა, ბოლო ზარი კი მკვლელობამდე სამი წუთით ადრე, რის შემდეგაც ორივე ტელეფონი გაითიშა.

internet.ge