ოსლოს სასამართლომ ნორვეგიელი ტერორისტის, ანდერს ბრეივიკის დედის ჩვენება მოისმინა. ჯანმრთელობის პრობლემების გამო მან თავად ვერ შეძლო სასამართლო სხდომაზე გამოცხადება, ამიტომ ჩვენება წერილობით გაგზავნა.

ის ამბობს, რომ მისმა შვილმა სასამართლო პროცესზე ბევრი ტყუილი თქვა:
„ნახევარი იმისა, რაც მან თქვა, ტყუილია“ - განაცხადა ბრეივიკის დედამ.

კერძოდ, ის ამბობს, რომ მისმა შვილმა ძალიან გადააჭარბა, როცა საზღვარგარეთ გაუთავებელ მოგზაურობებსა და საკუთარ განათლებაზე საუბრობდა.

ბრეივიკმა გამოძიებას უთხრა, რომ 10-ზე მეტ ქვეყანაშია ნამყოფი და მუდმივად ზრუნავდა საკუთარ განათლებაზე.

ანდერს ბრეივიკის სასამართლო პროცესი ოსლოში კვლავ მიმდინარეობს. ბრეივიკის ადვოკატები ცდილობენ დაასაბუთონ, რომ მათი კლიენტი არ არის შეუარაცხადი, რითაც სურთ მას ფსიქიატრიულ საავადმყოფოში იძულებითი მკურნალობა ააცილონ თავიდან.

საბოლოო გადაწყვეტილება სასამართლომ უნდა მიიღოს, რომელსაც ნორვეგიის სასამართლო-სამედიცინო კომისიამ გაურთულა საქმე, რადგან კომისიამ დაამტკიცა ექსპერტთა ორი ურთიერთგამომრიცხავი დასკვნა. ერთის მიხედვით ბრეივიკი შეურაცხადია, მეორის მიხედვით კი ფსიქიურად ჯანმრთელი. კომისიამ საბოლოო ვერდიქტის გამოტანა სასამართლოს მიანდო.

internet.ge