ყუბანის პოლიციამ აფხაზეთის ე.წ. საზღვართან ორი არალეგალური კაზინო აღმოაჩინა და დახურა.

ერთი კაზინო სასტუმროში თვითნებურად იყო განთავსებული, მეორეს კი გასახსნელად ამზადებდნენ.

გამოძიების წინასწარი ვარაუდოთ, კაზინოს მოთამაშეები იყვნენ აფხაზეთიდან, საქართველოდან და სომხეთიდან ჩასული მოქალაქეები, რომლებსაც კრიმინალურ სამყაროსთან აქვთ ურთიერთობა.

იატაკქვეშა დაწესებულების ყოველთვიური ბრუნვა 4 მილიონ რუბლზე მეტს შეადგენდა. მასში „პოკერისა“ და „ბლექჯეკისთვის“ განკუთვნილი ორი მაგიდა იდგა და 24 საათის განმავლობაში მუშაობდა. სათამაშო დაწესებულებას 4 ორგანიზატორი, 7 კრუპიე და 5 მცველი ემსახურებოდა. კაზინო კლიენტებს უფასო ალკოჰოლური სასმელითა და საკვებით უმასპინძლდებოდა.

ამოღებულია 2400 ე.წ. ფიშკა და 1,5 მილიონი რუბლი.

Internet.ge