რუსული მედია, საგამოძიებო ორგანოებზე დაყრდნობით, გენერალ რომან დუმბაძის მკვლელობაში ეჭვმიტანილი პირების ვინაობას ასახელებს: რომან ბელქანიას, ალექსანდრე ბერიშვილსა და შოთა ტარუგეშვილს სასამართლომ წინასწარი პატიმრობა 21 აგვისტომდე შეუფარდა.

მიხეილ ტონიას დაკავების შესახებ, რომლის სახლშიც ასევე ჩაატარეს ჩხრეკა იმის გამო, რომ ის ძებნილ თორნიკე კვირიკაშვილს იცნობდა, ინფორმაცია არ ვრცელდება. ცნობილია, რომ ის დაკითხვისთანავე გაუშვეს სახლში.

როგორც საინფორმაციო საშუალებები იუწყებიან, სამართალდამცავებს ეჭვი არ ეპარებათ, რომ დაკავებული პირები დანაშაულის უშუალო შემსრულებლები არიან.
ცნობილია ისიც, რომ გამოძიებას, აღნიშნულ საქმესთან დაკავშირებით ძებნა აქვს გამოცხადებული კიდევ სამ ადამიანზე.
internet.ge