რუსმა
სამართალდამცავებმა 18 ადამიანი დააკავეს, რომლებიც მოსკოვის გარეუბანში მდებარე
კაფეში ე.წ. ქურდულ შეკრებას მართავდნენ.
შსს-ს სისხლის
სამართლის საგამოძიებო დეპარტამენტისა და სპეცრაზმის თანამშრომლობით ჩატარებული
ოპერაციის შედეგად რამდენიმე ცნობილი კანონიერი ქურდი აიყვანეს. ოპერატიული
მუშაკების მონაცემებით, ქურდები მჯელობდნენ, როგორ მოეგვარებინათ იმ დაჯგუფებების
წინააღმდეგობის საკითხი, რომლებიც ვლადიმირსკისა და სმოლენსკის მხარეში არსებული
კოლონიებისა და საგამოძიებო იზოლატორების დაქვემდებარებას ცდილობენ.
დაკავებულთა შორის
არიან კანონიერი ქურდები: გიორგი სოროკინი, მეტსახელად „ჟორა ტაშკენტელი“, რომელიც
რუსეთში რიგით მეხუთეა ყველაზე გავლენიან ავტორიტეტებს შორის, ასევე, ალექსეი
ზაბავინი (ზაბავა) და ვლადიმერ ოზერსკი (ვოვა ზიუზია).
გარდა ამისა,
დაკავებულნი არიან ე.წ. მაყურებლები, რომლებიც სხვადასხვა მხარეში ე.წ. „ობშიაკს“
განაგებდნენ: იური ლებედევი (ბოლტი), იური აქსენოვი (აქსენი) და იური ტარასოვი
(ტარასი).
internet.ge
