ბელორუსის მედია მინსკში კრიმინალური ავტორიტეტის მკვლელობის შესახებ იუწყება.

სავარაუდოდ, საუბარია სწორედ ბონდო შალიკიანზე, რომელიც სააგენტო  „apsny.ge“-ს ცნობით მინსკში მოკლეს.

ბელორუსის მედია მოკლულის ვინაობას არ ასახელებს, თუმცა წერს, რომ ის ერთ-ერთი ყოფილი საბჭოთა რესპუბლიკიდანაა და კრიმინალური ავტორიტეტია. ამასთან, არის რუსეთის მოქალაქე, რომელიც გამოძიების ვერსიით, კრიმინალურ გარჩევებს შეეწირა.

„ბელა. პლან“-ის ცნობით, მკვლელობა 6 აგვისტოს, გვიან ღამით მოხდა. მოკლულს ტყვია თავში აქვს მოხვედრილი.

გამოძიება ვარაუდობს, რომ მკვლელობაში რამდენიმე ადამიანი მონაწილეობდა. ერთ-ერთი ვერსიით, ეს იყო შეკვეთილი მკვლელობა, რომელიც კრიმინალურ გარჩევებს უკავშირდება.

ბელორუსის მედიის ცნობით, შექმნილია გამომძიებელთა სპეციალური ჯგუფი, რათა დანაშაული დეტალურად იქნას გამოძიებული.

Internet.ge