საქალაქო სასამართლოში "ქართული ოცნების" წევრის, მელიქ რაისიანის საქმის განხილვა მიმდინარეობს. მელიქ რაისიანს გამოძიება თაღლითობას ედავება. აღნიშნული ინფორმაცია „ინტერნეტ.ჯი“-ს კოალიციის ერთ-ერთმა ლიდერმა სოზარ სუბარმა დაუდასტურა.

მისი თქმით სასამართლო პროცესი დღეს, 17:00 საათზე განახლდება.

საქმე ეხება 2006 წელს, ახალქალაქში მომხდარ ფაქტს. სუბარის განმარტებით, საქმეში დაზარალებულად ცნობილი მალვინა მატარიძის განცხადებით, რაისიანმა მას 38 000 ლარი გამოსძალა, სანაცვლოდ კი მისი ფირმის მფარველობას დაჰპირდა.

კოალიცია აღნიშნულ საქმეს მელიქ რაისიანის პოლიტიკურ სიმპათიებს უკავშირებს.

სუბარი მიიჩნევს, რომ რაისიანი პოლიტიკური დევნის მსხვერპლია.

„მალვინა მატარიძემ რაისიანის წინააღმდეგ სარჩელი 2012 წლის 25 მაისს, მხოლოდ მაშ შემდეგ შეიტანა, რაც რაისიანმა "ქართულ ოცნებას" მხარდაჭერა ღიად გამოუცხადა“,- აცხადებს „ქართული ოცნების" წევრი.

ცნობისთვის  რაისიანს პოლიცია ამ დრომდე ეძებს.

internet.ge