ნატო-ს ზოგიერთი წევრი ქვეყანა შეშფოთებულია საფრანგეთის მიერ რუსეთთან ვერტმფრენმზიდ „მისტრალზე“ გაფორმებული კონტრაქტის გამო, - ნათქვამია აშშ-ის კონგრესის კვლევითი სამსახურის მოხსენებაში, რომელიც რესპუბლიკელმა სენატორმა რიჩარდ ლუგარმა შეუკვეთა.

კონტრაქტი ორი „მისტრალის“ მშენებლობაზე, რუსეთმა და საფრანგეთმა 20011 წლის ივნისში გააფორმეს. შეთანხმების ფასი 1,2 მილიარდი ევროა. იგეგმება, რომ პირველი ხომალდი რუსეთს უკვე 2014 წელს ექნება, მეორე კი  - 2015 წელს.

„ეს პირველი მიყიდვაა მნიშვნელოვანი სტრატეგიული შეტევითი შეიარაღებისა რუსეთთან იმ ქვეყნის მიერ, რომელიც ნატო-ს შემადგენლოობაშია... ამ გარიგებამ ალიანსის შიგნით დაძაბულობა გამოავლინა ნატო-სა და რუსეთთან ურთიერთობებში,“ - ნათქვამია მოხსენებაში.

განსაკუთრებულად შეშფოთებულები ბალტიის ქვეყნები არიან.

კვლევის ავტორტა მონაცემებით, ობამას ადმინისტრაციაც  აღფრთოვანების გარეშე შეხვდა ცნობას იმის შესახებ, რომ გარიგება, შესაძლოა, არასწორად იქნას აღქმული ზოგიერთი აღმოსავლეთევროპული ქვეყნის მიერ.

სენატის საერთაშორისო კომიტეტის უხუცესი წევრი რიჩარდ ლუგარი აღიარებს, რომ შეშფოთებულია რუსეთისათვის შეიარაღების მიწოდების გეგმის გამო, მათ შორის „მისტრალებთან“ დაკავშირებული კონტრაქტით, გერმანულ კონცერნთან გაფორმებული კონტრაქტით, რომელიც სასწავლო პოლიგონის აღჭურვილობის მიწდოებას ითვალისწინებს და რუსეთ-იტალიის კონტრაქტით, რაც ჯავშანმანქანა Iveco-ს ერთობლივ წარმოებას ისახავს მიზნად.

Internet.ge