ყაზახეთში, სასაზღვრო პუნქტ „გორნისთან“, ჩინეთის საზღვრის სიახლოვეს, სასაზღვრო ჯარების 15 სამხედრო მოსამსახურის ცხედარი აღმოაჩინეს. მოკლულთა შორის არის ერთი ოფიცერი, 3 კონტრაქტორი და 11 ჯარისკაცი - იუწყება „ტრენდი“.

სასაზღვრო მობილური პოსტი სამკურნალო მცენარეების უანონოდ შეგროვების აღკვეთისთვის დადგეს. ამ საქმიანობისთვის ადრე ჩინეთის მოქალაქეები რამდენჯერმე დააკავეს.

პოსტის სიახლოვეს ასევე აღმოჩენილია მეტყევის გვამი. ის სავარაუდოდ, 2 დღის წინ მოკლეს.

„ინტერფაქსი“ კი იუწყება, რომ სასაზღვრო პუნქტზე ხანძარი მოხდა და სწორედ ამის შემდეგ აღმოაჩინეს ცხედრებიც. ასევე, დაკარგულია იარაღი.

მომხდარის მიზეზები დგინდება.