2014 წლისთვის რუსეთის სამხრეთით ჰაერსაწინააღმდეგო თავდაცვის სპეციალური დაჯგუფება განთავსდება. ამის მიზეზად სოჭის ოლიმპიადა სახელდება. როგორც სამხედრო-საჰაერო ძალების სარდალმა ანდრეი იუდინმა „ინტერფაქსს“ განუცხადა, სპეცდაჯგუფებაში შევლენ საზენიტო სარაკეტო კომპლექსები და მცირე სიშორის კომპლექსები.

„ანტოსაჰაერო თავდაცვის სპეცდაჯგუფება ყველა სიმაღლეზე უზრუნველყოფს უსაფრთხოებას, მათ შორის, შავი ზღვის აკვატორიაში,“ - განაცხადა იუდინმა. მან აღნიშნა, რომ ანტისაჰაერო თავდაცვის სისტემა კავკასიაში „ძალიან საიმედოა და უზრუნველყოფს უსაფრთხოებას“.

2012 წლის მარტში გავრცელდა ცნობა, რომ რუსეთის თავდაცვის სამინისტრომ რამოდენიმე ЗРК С-300В4 შეიძინა, რომელთაგანაც სამი სამხრეთის სამხედრო ოლქში უნდა განთავსდეს.

გარდა ამისა, რუსეთის შავი ზღვის ფლოტმაც უნდა მიიღოს ახალი საზენიტო სარაკეტო კომპელქსები.

ამ დროისათვის რუსეთის სამხრეთის სამხედრო ოლქის სამხედრო-საჰაერო და ანტისაჰაერო თავდაცვის ძალებს  შეიარაღებაში აქვთ კომპლექსები С-300ПС, С-300ПМ, "Бук-М1", ასევე ბომბდამშენები Су-24, მოიერეიშე Су-25СМ, გამანადგურებელი Су-27СМ3 и МиГ-29, ასევე ვერტმფრენები Ми-8, Ми-24 и Ми-28.

Internet.ge