რუსეთის ეკონომიკის უმაღლესი სკოლის ხელმძღვანელის ევგენი იასინის განცხადებით, ომი სამხრეთ ოსეთში „სისულელის გამო“ დაიწყო. იასინმა „ეხო მოსკვისთან“ ინტერვიუში განაცხადა, რომ: „...გაიხსენებენ იმას, რომ რუსეთში არიან არა უბრალოდ ადამიანები, რომლებიც ყველანაირ დისკუსიაში შედიან Pussy Riot-თან დაკავშირებით ან იწყებენ ომს რაღაც სისულელისათვის, როგორც მშვიდობისმყოფლები - მე მხედველობაში მაქვს ომი აფხაზეთსა და სამხრეთ ოსეთში. არამედ არიან ადამიანები, რომლებიც ნამდვილად ისტორიულ გადაწყვეტილებებს იღებენ...“.

იასინის ამ განცხადებას რუსეთის დუმის დეპუტატი სერგეი ჟიგარევი აღშფოთებული გამოეხმაურა და განაცხადა, რომ რუსეთს ცხინვალის რეგიონში ომი სისულელისთვის არ დაუწყია. ამის საილუსტრაციოდ კი უნებლიედ აღიარა, რომ 2008 წელს საომარი მოქმედებები რუსეთმა დაიწყო:

„პირველი დარტყმის ქვეშ ჩვენი სამშვიდობოები მოექცნენ, რაც რუსეთის მხრიდან საომარი მოქმედებების დაწყების მიზეზი გახდა“ - განაცხადა სერგეი ჟიგარევმა.

internet.ge