ისრაელში დაიწყო სარაკეტო დარტყმის მაუწყებელი სისტემის გამოცდა. საუბარია  შეტყობინების სისტემაზე სმს-ებით, რომლებიც ოთხ ენაზე იგზავნება: ივრითზე, რუსულად, არაბულად და ინგლისურად.

როგორც “The Jerusalem Post” წერს, სისტემა ისეა მოწყობილი, რომ გაფრთხილების მიღება შეუძლიათ სხვადასხვა რეგიონის მოსახლეობას - რაკეტის სავარაუდო ტრაექტორიიდან გამომდინარე.

ტესტირება 16 აგვისტომდე გაგრძელდება.

აღნიშნული სისტემა რამდენიმე წლის განმავლობაში მუშავდებოდა.

Internet.ge