ყოფილი ჩეჩენი
საველე მეთაურის რუსლან გელაევის შვილი რუსტამი სირიაში მოკლეს - იუწყებიან
ჩრდილოკავკასიელ ისლამისტებზე დაყრდნობით რუსული მედიასაშუალებები.
მათი
ინფორმაციით, 1988 წელს დაბადებული რუსტამ გელაევი ახლო აღმოსავლეთში სწავლობდა,
ზაფხულში კი სირიაში მოხალისედ ჩავიდა, რათა სამთავრობო ძალების წინააღმდეგ
ბრძოლებში მიეღო მონაწილეობა.
ჩეჩნური წყაროების
ცნობით, რუსტამ
გელაევი, რომელიც შახიდი იყო, ალეპოში, სხვა ჩრდილოკავკასიელ მოხალისეებთან ერთად
მეჩეთში ყოფნისას, საარტილერიო თავდასხმის შედეგად დაიღუპა.
როგორც
„ინტერფაქსი“ იუწყება, გელაევი 11-13 აგვისტოს მოკლეს. მისი ცხედარი კი ჩეჩნეთში
უკვე ჩაასვენეს და დაკრძალეს კიდეც.
საველე
მეთაური რუსლან გელაევი 2004 წელს დაღესტანში,
სპეცოპერაციის დროს მოკლეს.
internet.ge
