“მილანის” მფლობელმა და იტალიის ყოფილმა პრემიერმინისტრმა სილვიო ბერლუსკონიმ კლუბის ვიცე-პრეზიდენტს ადრიანო გალიანის სპეციალური დავალება მისცა - რადაც არ უნდა დაუჯდეს გუნდის მწვრთნელობაზე დაითანხმოს “ბარსელონას” ყოფილი თავკაცი ხოსეპ გვარდიოლა.

გალიანი უახლოეს დღეებში ნიუ იორკში გაფრინდება, სადაც ესპანელი სპეციალისტი თავის ოჯახთან ისვენებს და მასთან მოლაპარაკებებს გამართავს. “მილანის” გვარდიოლას 4-წლიან კონტრაქტს და 24 მილიონ ევროს სთავაზობს ხელფასის სახით. თუ პეპმა თანხმობა განაცხადა, ის “როსონერებს” სათავეში მომავალი სეზონიდან ჩაუდგება.

Internet.ge