“ბარსელონას” კაპიტანი კარლეს პუიოლი ევროპის ჩემპიონატს გამოტოვებს - ამის მიზეზი მარჯვენა მუხლის ტრავმაა, რომელიც 34 წლის ფეხბურთელმა ესპანეთის ჩემპიონატის 37-ე ტურის შეხვედრაში მიიღო “ესპანიოლთან”.

კატალუნიურმა კლუბმა განაცხადა, რომ ესპანეთის ნაკრების მცველს ქირურგიული ჩარევა სჭირდება, ოპერაცია უკვე დაგეგმილია 12 მაისს, რის შემდეგაც აღდგენის პროცესი მინიმუმ 6 კვირას დაიკავებს.

შესაბამისად კარლესი, რომელსაც ეროვნული გუნდის შემადგენლობაში 99 მატჩი აქვს ჩატარებული, “სამეფო თასის” ფინალსაც გამოტოვებს 25 მაისს ბილბაოს “ატლეტიკთან” და ევროპის 2012 წლის ჩემპიონატსაც.

Internet.ge