მადრიდის “რეალისა” და გელზენკირხენის “შალკეს” ყოფილმა თავდამსხმელმა, რაულმა, რომელმაც ახლახანს კონტრაქტი გააფორმა ყატარულ “ალ-საადთან”, განაცხადა, რომ მზად არის ესპანეთის ნაკრების შემადგენლობაში ევრო 2012-ზე ითამაშოს.

“თუ ნაკრებში დამიძახებენ, დაუყოვნებლივ გავემგზავრები ევროპის ჩემპიონატზე. თუ არა და, მაშინ მთელი გულით ვუგულშემატკივრებ ჩვენს გუნდს, როგორც ყველა ესპანელი” - თქვა 34 წლის ფორვარდმა.

შეგახსენებთ, რომ ესპანეთის ნაკრების მთავარმა მწვრთნელმა ვისენტე დელ ბოსკემ არაერთხელ გამოთქვა თავისი მოსაზრება იმასთან დაკავშირებით, რომ რაული იმსახურებს ეროვნულ გუნდში თამაშს.

Internet.ge