ის დაბრუნდა! ანდრი შევჩენკოს ორმა ულამაზესმა გოლმა სრულიად უკრაინა გააბედნიერა - D ჯგუფის გვიან მატჩში მასპინძელმა უკრაინის ნაკრებმა 0:1-ზე უმძიმესი მატჩის შემოტრიალება და გამარჯვების მოპოვება მოახერხა შვედეთის ნაკრებთან 2:1, რომელიც ზლატან იბრაჰიმოვიჩის გოლით ლიდერობდა.

ზღვა გულშემატკივრებით შემართულმა უკრაინელებმა აღმაფრენით ჩაატარეს სადებიუტო და ისტორიული შეხვედრა. ისინი მთელი თამაშის განმავლობაში ფლობდნენ უპირატესობას და გამუდმებით უტვედნენ მეტოქის კარს. განსაკუთრებით სახიფათო იყო “ყვითლების” საფლანგო შეტევები.

ჯგუფის ცენტრალურ მატჩში კი საფრანგეთის და ინგლისის ნაკრებებმა ქულები გაიყვეს 1:1. ჯოლიონ ლესკოტის პირველ ტაიმაში გატანილ გოლს მალევე გამათანაბრებელით უპასუხა სამირ ნასრიმ და საბოლოო შედეგი დააფიქსირა.

შეხვედრის შედეგით უკმაყოფილო დარჩა ფრანგების მთავარი მწვრთნელი ლორან ბლანი, რომელმაც აღნიშნა, რომ მის გუნდს უნდა მოეგო, რამეთუ მეტოქეზე უკეთესად გამოიყურებოდა და გაცილებით მეტი საგოლე მომენტიც შექმნა.

D ჯგუფი, დონეცკი “დონბას არენა”

საფრანგეთი - ინგლისი 1:1

გოლები: ნასრი 39 - ლესკოტი 30

ყვითლები: ოქსლეიდ-ჩემბერლენი, იანგი

Castrol Edge Index-ის მატჩის საუკეთესო მოთამაშეები: 1.ალუ დიარა (საფრანგეთი) - 9.00, 2.ჯოლიონ ლესკოტი (ინგლისი) – 8.97, 3.პატრის ევრა (საფრანგეთი) – 8.66.

D ჯგუფი, კიევი “ოლიმპიისკი”

უკრაინა - შვედეთი 2:1

გოლები: შევჩენკო 55,62 - იბრაჰიმოვიჩი 52

ყვითლები: კალსტრიომი, ელმი.

Castrol Edge Index-ის მატჩის საუკეთესო მოთამაშეები: 1.ანდრი შევჩენკო (უკრაინა) – 9.7, 2.ზლატან იბრაჰიმოვიჩი (შვედეთი) – 9.57, 3.ანდრი პიატოვი (უკრაინა) – 8.49.

Internet.ge