ესპანეთის ნაკრები ევროპის 2012 წლის ჩემპიონატის პირველი ფინალისტია - უდაძაბულეს ნახევარფინალში ვისენტე დელ ბოსკეს გუნდმა 11-მეტრიანების სერიაში დაამარცხა პორტუგალიის ნაკრები 4:2 და ტიტულისათვის ბრძოლა გააგრძელა.

პორტუგალიმ თავისი საუკეთესო მატჩი ჩაატარა ტურნირზე და ძალზედ ახლოს იყო ისტორიულ გამარჯვებასთან, მაგრამ ესპანელებმა უკედ შეასრულეს პენალტები - გადამწყვეტი გოლი სესკ ფაბრეგასმა გაიტანა.

“ვგრძნობდი, რომ ყველაფერი გამომივიდოდა…ეს ფანტასტიკაა! ვნანობ, რომ ნახევარფინალზე ოჯახი არ ჩამოვიყვანე, მაგრამ ფინალზე ისინი აუცილებლად იქნებიან. 4 წლის განმავლობაში სამჯერ გავედით ფინალში, რაც განსაკუთრებული მიღწევაა” - განაცხადა მატჩის შემდეგ გახარებულმა ფაბრეგასმა.

ნახევარფინალი, დონეცკი “დონბას არენა”

პორტუგალია - ესპანეთი 0:0 (2:4 პენალტებით)

ყვითლები: ბრუნუ ალვეში, პეპე, ველოზუ, კოენტრაუ, პერეირა - ჩაბი ალონსო, რამოსი, ბუსკეტსი, არბელოა

Castrol EDGE Index-ის მატჩის საუკეთესო ფეხბურთელები: 1.რუი პატრისიუ (პორტუგალია) – 9.4, 2.ალვარო არბელოა (ესპანეთი) – 9.39, 3.ხორდი ალბა (ესპანეთი) – 9.33.

Internet.ge