გიორგი შერმადინს თელ-ავივის “მაქაბიმ” ცენტრის პოზიციაზე ადგილი გაუთავისუფლა - ისრაელის კლუბმა “პანათინაიკოსში” გაუშვა საბერძნეთის ნაკრების 27 წლის და 206 სანტიმეტრიანი ცენტრალური ფორვარდი სოფოკლის სხორციანიტისი, რომელმაც ათენურ კლუბთან 3-წლიანი კონტრაქტი გააფორმა.

შეგახსენებთ, რომ საქართველოს ნაკრების 216 სანტიმეტრიანმა ცენტრმა იტალიურ “ბენეტ კანტუში” გატარებული წარმატებული სეზონის შემდეგ 1+1 კონტრაქტი გააფორმა ევროპის ერთ-ერთ საუკეთესო კლუბთან თელ-ავივის “მაქაბისთან”, რაც უდაოდ წინგადადგმული ნაბიჯია კარიერაში 23 წლის შერმადინისათვის.

გიორგის მთავარი კონკურენტის, სხორციანიტისის გაშვება კი იმას ნიშნავს, რომ ქართველს მეტი სათამაშო დრო ექნება.

internet.ge