თორნიკე შენგელიამ დღეს დილით პირველი ვარჯიში ჩაატარა თავისი ახალი კლუბის, “ბრუკლინ ნეთსის” შემადგენლობაში - ნბა-ს დრაფტზე 54-ე ნომრად მეორე რაუნდში არჩეულმა 20 წლის ქართველმა გუნდთან ერთად ზაფხულის 4-დღიანი სავარჯიშო კემპი დაიწყო.

შეგახსენებთ, რომ საქართველოს ნაკრების ფორვარდი “ბრუკლინ ნეთსმა” განაცხადში შეიყვანა საზაფხულო ლიგაში სათამაშოდ, რომელიც 9-13 ივლისს ორლანდოს “ემვეი სენთერში” გაიმართება.

ბრუკლინელებმა 14-კაციანი შემადგენლობა დაასახელეს, რომელიც 5 ივლისიდან 4-დღიან სავარჯიშო კემპს გაივლის მშობლიურ “PNY სენთერში”, საიდანაც ორლანდოში გაემგზავრება.

საზაფხულო ლიგაში “ნეთსი” 5 მოსამზადებელ მატჩს გამართავს: 9 ივლისს “ორლანდო მეჯიქთან”, 10 ივლისს “ბოსტონ სელტიქსთან”, 11 ივლისს “ფილედალფია 76”-თან, 12 ივლისს “ოკლაჰომა სითი თანდერთან” და 13 ივლისს “ინდიანა პეისერსთან”.

internet.ge