დღეიდან სარაგბო ევროტურნირების ¼ ფინალურ სტადიას პრესტიჟულობით მეორე (“ჰაინიკენის” თასის შემდეგ) ევროტურნირი - “ემლინ ჩელენჯის” თასი გახსნის. ნახევარფინალში გასასვლელად საქართველოს ნაკრების მორაგბეებიც იბრძოლებენ თავიანთ ფრანგულ გუნდებში.

ხვალ, 6 მარტს, დათო ქუბრიაშვილის, კოტე მიქაუტაძისა და ლევან ჩილაჩავას ვარსკვლავური “ტულონი” მშობლიურ “ფელიქს მაიოლზე” ერთმატჩა მეოთხედფინალში ინგლისურ “ჰარლექუინსს” მიიღებს. შეხვედრა თბილისის დროით 22.45 საათზე დაიწყება და მისი ნახვა ქართველ გულშემატკივრებს სხვადასხვა “ლაივსთრიმების” საშუალებით ინტერნეტში შეუძლიათ.

“ტულონის” მთავარმა მწვრთნელმა ბერნარ ლაპორტმა ის 24 მორაგბე დაასახელა, რომლებიც ამ მნიშვნელოვანი მატჩისათვის ემზადებიან და როგორც მოსალოდნელი იყო, შემადგენლობაშია “ბორჯღალოსანთა” 25 წლის მარჯვენა ბურჯი დავით ქუბრიაშვილი.

“ემლინ ჩელენჯის” თასის ¼ ფინალი

5 აპრილი: “სტად ფრანსე” (საფრანგეთი) – “ექსეთერ ჩიფსი” (ინგლისი)

6 აპრილი: “ტულონი” (საფრანგეთი) – “ჰარლექუინსი” (ინგლისი)

7 აპრილი: “ლონდონ უოსფსი” – “ბიარიცი” (საფრანგეთი)

8 აპრილი: “ბრივი” (საფრანგეთი) – “ლიანელი სქარლეთსი” (უელსი)

Internet.ge