ლონდონის ოლიმპიადაზე 2 აგვისტო ქართული დელეგაციისათვის კვლავ ძიუდოსთანაა დაკავშირებული - დღეს ერთადერთი ქართველი სპორტსმენი იასპარეზებს, 100 კილოგრამ წონით კატეგორიაში მედლისათვის ლომერ ჟორჟოლიანი იბრძოლებს.

1/32 ფინალში მისი მეტოქე 27 წლის გამოცდილი რუმინელი დანიელ ბრატა იქნება - მოწინააღმდეგეები ტატამზე თბილისის დროით დაახლოებით 12.37 საათზე გავლენ.

ამ რაუნდის გავლის შემთხვევაში 24 წლის ქართველ ძიუდოისტს შემდეგ ეტაპზე ყაზახი მაქსიმ რაკოვისა და აზერბაიჯანელი ელმარ გასიმოვის წყვილში გამარჯვებული ელის. 

Internet.ge