დღეს, ლონდონის ოლიმპიადაზე საქართველოს 5 სპორტსმენი წარადგენს, რომლებიც 3 სახეობაში მიიღებენ მონაწილეობას და მედლების იმედი კვლავ ბერძნულ-რომაული სტილის მოჭიდავეებისგან გვაქვს.

66 კილოგრამ წონით კატეგორიაში 1/8 ფინალიდან ასპარეზობაში მანუჩარ ცხადაია ჩაებმება, რომელიც ამ ეტაპზე შვეიცარიელ პასკალ სტრებელს შეხვდება. 96 კილოგრამ წონით კატეგორიაში ასევე მერვედფინალიდან იჭიდავებს სოსო ჯაბიძე, რომელიც ბულგარელ გური ელისსა და რუმინელ ალინ ალექსუკ-ჩიურარიუს 1/16 წყვილის გამარჯვებულს შეხვდება.

ძალოსანი ირაკლი თურმანიძე +105 კილოგრამ წონით კატეგორიაში უძლიერესთან A ჯგუფში იასპარეზებს.

საქმეში ჩაებმება საქართველოს მძლეოსანთა ნაკრების ორი წევრი: სიგრძეზე მხტომელი მაია გოგოლაძე შეჯიბრს A ჯგუფში საკვალიფიკაციო ეტაპიდან დაიწყებს, ხოლო დავით ილარიანი 110 მეტრზე თარჯრბენის საკვალიფიკაციო ეტაპზე ირბენს.

განრიგი

მანუჩარ ცხადაია (ბერძნულ-რომაული ჭიდაობა 66კგ. 1/8 ფინალი) - პასკალ სტრებელი (შვეიცარია) – 16.18 სთ.

სოსო ჯაბიძე (ბერძნულ-რომაული ჭიდაობა 96კგ. 1/8 ფინალი) - ელის გური-ალინ ალექსუკ-ჩიურარიუს წყვილში გამარჯვებული. სავარაუდო 16.45 სთ.

ირაკლი თურმანიძე (ძალოსნობა +105კგ. A ჯგუფი) – 22.00 სთ.

მაია გოგოლაძე (მძლეოსნობა, სიგრძეზე ხტომა, კვალიფიკაცია) – 22.05 სთ.

დავით ილარიანი (მძლეონობა, 110 მეტრზე თარჯრბენი, კვალიფიკაცია) – 13.10 სთ.

Internet.ge