ინტერნეტ-გიგანტმა Yahoo-მ საკუთარი „საძიებო ბრაუზერი“ Axis გამოუშვა. სამისამართო ველში მოთხოვნის შეყვანისას, ტრადიციული ლინკების ჩამონათვალის ნაცვლად იგი ვებ-გვერდების მინიატურულ გამოსახულებას გთავაზობთ.

პროგრამა ხელმისაწვდომია Firefox-ის, Internet Explorer-ის, Chrome-ის, Safari-ის ინტერნეტ-ნავიგატორებისთვის, ასევე, iPad-ის და iPhone-სთვის iOS-ს პროგრამის სახით.

Axis სხვადასხვა მოწყობილობით ძიების შედეგების სინქრონიზირების საშუალებასაც იძლევა. მაგალითად, iPhone-ში ვებ-გვერდის გახსნის შემდეგ შესაძლებელია მისი დათვალიერების გაგრძელება iPad-ში. ეს ფუნქცია რომ ხელმისაწვდომი გახდეს, Yahoo-ის, Google-ის ან  Facebook-ის ექაუნთში შესვლაა საჭირო.

ძიების მოთხოვნების დამუშავებით Bing-ია დაკავებული - კომპანია Microsoft-ის ტექნოლოგია, რომელზეც Yahoo 2010 წლის აგვისტოში გადავიდა.

internet.ge